ياأحــفـــاد هــامـــان
ويا كهـّــانه الأكبــــر
سأصــدر عنى فرمــان
إلى السلطان والعسكر
بأنى لســت أعبــدُه
وأنى بحكمه أكـــفر
وأنى لست مملوكا
وان القيد قد يُـكسر
لماذا الصمت ياهــذا ؟
لم تقــبل بـأن نـُقتل ؟
كــلاب الأرض تنهشـنا
أأنــت بذلــّـنا تكــبر ؟
فـإيـّاكم بنا تسخــر
ولا من حلمنا الأخضر
غــدا أحـلامنا تكــبر
غــــدا لدمائنا نثــأر
فلن نـركع ولن نسجـد
لــغــير الخــالق الأكـبر
الاربعاء, 09 فبراير, 2011
الاربعاء, 24 فبراير, 2010
قالــولى : بتحبــها؟
قــلت : وبغــنيلهـــا
بعشق تراب أرضها
وهــواهــا ونخيلهــا
باصحا على شمسها
وأنـام على نجــيلهـا
عايش على خيرهـا
عاشـق جمال نيلهـا
مهــما نغيب عنـهـا
بـ نلـف ونجـيلـهــا
***
قـالـولى : بتحبـها ؟
أنا قلت دى ف دمى
يا نـاس دانـا إبنـهــا
راضع حنان حضنها
و مـصـــر دى أمــى
............
سألوا الغـريب عنها
قالوا لـه : بتحــبهـا
كان رده مش عارف
أصـل البعيـد أجنبى
غـريب وقلـبه غبى
أعمى ومش شايف
***
قالـولى : بتحبها ؟
أنـا قـلت بالتــأكيـد
دا حبـها وعشقـهـا
ويـّا الزمان بيزيـد
دا كفايه جه ذكرهـا
فى كتاب عظيم ومجيد
وإن الإلـــه خصّــهــا
بــا لأمــن بالتــحديــد
***
قالولى : بتحبــها ؟
انا قلت أيوه اومّال
أم البــلاد كـلـهــــا
والعــلـم والعــمـّال
ونيلها فى حضنـها
شاهد على الأجيال
راوى قلوب شعبها
طيبه وحنان وجمال
وقـت المحـن تلقــاه
صبور يشيل أحمال
وان مـرّه حـد عاداه
صـهايـنه أو أنــدال
يعــرف يصد عـداه
عـزمه يهــد جبــال
***
قالـولى : بتحبهــا ؟
أنا قلت شئ معروف
دا عشقــها ف دمـنا
واسأل علينا وشوف
حكمة وقالـوها زمان
حكولنا عنـها الجدود
جنودنـا خير الجنـود
وقت المعارك أسـود
مايعـرفوش الخوف
بينهم وبينه ســدود
الاربعاء, 25 يونيو, 2008
ابعدى مـــاترجعيش وان قالولك حاجة عنّى كــدّبى ماتصدقيش لو قالولك حتى إنى بعد منـّك مش هعيش ابعدى ما تقـرّبيش حبنــا كان مستحيل ياما قلت ماتحلميش يومهــا قلتى لى بحبك حب غالى ماينتهيش حبى ليك كل حياتى مهما كان مايهمنيش قلبى صـدّق يومها وعدك وعاش فى حلم ماينتهيش وكل يوم يستنـّا تيجى وانت قاسية ماترحميش قلبى كان عاشقك وهـام بس تاه منه الكلام لمــّا ضعتى ومالقاكيش وجايّه بعد سنين غياب تفتحى نفس الكتاب تنبشى الجرح اللى داب وترجعينى للعذاب ابعدى..أرجوكى..روحى كنت ناسى معـاكى روحى لســّه تعبانى جــروحى عايز انساكى واعيش والحكاية م البداية واللاّ اقول لك م النهاية صدّقينى... خلاص.....مفيــش ياللا ...روحى ...ماترجعيش
الثلاثاء, 17 يونيو, 2008
( لا تنتظر السمن من مؤخرة النمل )
----------------
لا تنتظر عودة حق قد سلب
أو نصرة من حكامنا العرب
فقد قايضوا على خيول الحرب
واستبدلوها بسيوف من ذهب
وقدموها هدايا للسفاح
والقاتل والمغتصب
لم يخدعوك فى كتب التاريخ
حينما قالوا ان لهم حسب ونسب
لم يكذبوا عليك بأنهم
أصل العرب
فهم الأوائل حقا ولكن
فى الكلام وفن الخطب
وتشهد لهم المحافل
وروايات الكتب
أن السادة الحكام
هم حقا أصل العرب
وكل التجارب أثبتت
بأنهم أهل نسب وحسب
وبالبحث فى علم الأنساب
والكشف عن الأهل
ثبت أنهم بالفعــل
عرب فى الأصل
ذلك قول فصل
حقا ولكنهم
من نسل أبى جهل
الاحد, 13 ابريل, 2008
كتــبوا لى كل الوصفـات
وحكــوا آلاف الحكايـات
ووصايا مـن العــرّافـات
تحـوى مـئات الصفحات
حاولـت وجـربت كـثيرا
كى أنسى طيفك لحظات
لـم تـفلـح كـل الحــالات
عبــثا حـاولــت ولكـنّى
قـد ذقــت كل الويــلات
الثلاثاء, 01 ابريل, 2008
نفسى فى اللحمة ياناس
وحشانى بقــالها زمـان
فى بطاطـس أو قلقـاس
ياسلام لو شوربة كمان
دالعـدس ياهووه غلّـوه
ودا كــان أكـل الغلبــان
لــو جيـت احلـم وأقـول
فـــرخـة أو لحمـة راس
تصــرخ حــرمى وتقول
شـوف حل ياإبن الناس
زوّد مصــروف البـيــت
أنا أصلى طهقت خلاص
م العيشه يانــاس مليت
ويوماتى زعيــق ونقــار
خناقات على سعر الزيت
وحياتنا مـــرار ف مـرار
مـش نــــافع أى حــــوار
ودا كــله مــن الأسـعـــار
فى زياده بشكـل مهـوول
ومرتــب عــــنده جفــاف
ولا نــافـــع فــيه محلـول
لازمـه نجــدة وإسعـــاف
دان جاب طعمية وفـــول
بكـــــره راح ناكل حــاف
الوضع صــــراحه مخيف
يالطيف الطـــــف يالطيف
منــــــّك للّـه يانــظيــــــف
راح نـــدعى عليك ونـقول
ملاينكــو يجليــها نزيـــف
وتجوعـوا ماتلاقوا الفـول
وانــــــت ووزراءك دول
تشحـتوا ماتلاقوا رغيــف
الاحد, 27 يناير, 2008
الذكـرى باتـت تؤلـــمـنى
وتثيـر جـراحى وحـنينى
ودمـوع العـين تلازمـنى
وظـلام اللـــيل يواسـينى
طيفـك مـازال يصـاحبنى
والهمس صداه يناجـينى
ونجــوم اللــيل تعـاتبنــى
فتـــزيد عــذابى وأنـينــى
وسألــت طـبيـبا جـاوبـنى
ماعــاد الطـب يـــداوينـى
الثلاثاء, 15 يناير, 2008
بمناسبة زيارة بوش للمنطقة
****************
لا أهـلاً ولا سهـلاً بــوش
شخص جنابك مانحبوش
كارهينه وما بينطقهوش
وعصابتك كلتها وحوش
لا أهـلاً ولا سهـلاً بوش
*********
شايفينك فـ عيوننا غراب
وقدومـــك لبلادنــا خراب
اصـل إنت ضلالى وكداب
ووعودك كلتها فا شــوش
لا أهـلاً ولا سهــلاً بــوش
***********
ليه جـىّ يا مجرم لبلادنا
إوعـا بإيـدك تلمس إيدنا
فى إيديـك لسه دم ولادنا
وملطـــخ ولا نشفتـــوش
لا أهـلاً ولا سهلاً بـــوش
***********
سفـاح من يومـك وحقيــر
وأبوك كان زيك خنزيــــر
راح نكسر ورا أمك زيــــر
وهنفرح يوم مانلاقيكوش
لا أهـلاً ولا سهــلاً بـــوش
*************
عايشين فى بلادكم سلاطين
وزرعتوا يهود فى فلسطيـن
وقتلتــوا فى بغـداد ملاييـــن
وتنــادوا بســلام مغشــوش
لا أهـــلاً ولا سهــلاً بـــوش
**************
خرّبتــوا الدنيــا بغبــاوتــكـم
فاكريـن راح تفضــل قوتـكـم
مجـانيـن الله يخــرب بيتكـــم
ياماقبلكو راحوا مارجـعوش
لا أهـــلاً ولا سـهـــلاً بـــوش
***********
إرجع يا خسيس مش عايزينك
فيـــه تـار بــايت بيّنــا وبينــك
دى الحصوه فى أراضينا بعينك
حقنا راح ناخده مــا تنســـوش
لا أهـــــلاً ولا سهـــلاً بـــــوش
************
ما هو دولا أساس الإستعمار
ليه نرضى بذل ونرضى بعـار
وقرارنا فى إيدنا وليه نحتـار
وعدونا يـوم ما نسيبهــوش
لا أهـــلاً ولا سهـــلاً بــوش
**********
أنا هاشـتم فى اللى يقابلوك
وبفـرحه وأحضان ياخـدوك
ملعــون أبـواللـى يحـيـّـوك
عالـم أنــدال ما بحــسـّوش
لا أهــلاً ولا سهــلاً بـــوش
************
الخميس, 27 ديسمبر, 2007
هيا نتسلق شعاع القمر
ونصنع للقلــب أجنحــة
وننسجها من خيوط المطر
ونسبح عبر الفضاء الفسيح
ونركض فوق بســاط الريـح
وخلف الغمام الأخضر نجرى
نلهو..نلعب..ننام ..نستريح
ونبحث عن كوكب من ذهب
بعيدا عن عيــون البشـر
وأبعد من حـدود القـمر
الاربعاء, 19 ديسمبر, 2007
ياليلـــة العيـد آنستينا
بشوق وبفرحة بتجينا
ونتــلاقـــا بحبايبنــــا
وأصحــابنا وأهــالينـا
وننســى كــل أحزاننـا
ونغزل توب أمــانيـنـا
ونرسـم بالأمل فرحـة
تكفـّى الكـون حوالينا
ياليلـة العيـد آنستينا
************
الخميس, 13 ديسمبر, 2007
عـنوانــك هـــو قـلبى
فهل تقبليه عـــنوان؟
فمــنذ آلاف السنــين
وقــبل حـدود الزمـان
وأنــت مــلء الفــؤاد
وأنت الهـوى والغـرام
نعـــم سيدتى الحــب
أبكـانى مثلما أبكـاك
ولكننى عصي الدمع
حتى لا تـراه عينـــاك
فلو قالـوا مهما قالوا
فإننى ألــف أهـــواك
أهــوى الحروف حين
تقـــولهـــا شــفتــاك
أهــوى التــراب حـين
تدوســــه قـدمــــــاك
فعنوانك فى القلـــــب
هل تدرى ؟هنا سكناك
الثلاثاء, 13 نوفمبر, 2007
فى ضبـاب الكــون أمشى
لا أرى أيـــن الطــــــــريق
لست أدرى مـاذا يجــــرى
ركام ..دمار...دخان حريق
تــــيه ....ضـــباب..لا أرى
فمن قدمــىّ تـاه الطريق
وحلم الحياة عنى سـرى
إنى إختنقت إنى سحقت
فمن يسمع؟ ومن يرى ؟
والعالم حولى يرقبنــــــى
فمن أحس ؟ ومن درى ؟
الاربعاء, 07 نوفمبر, 2007
( فـــى عينيك عنـــوانــى)
الاثنين, 22 اكتوبر, 2007
ياسوسـنة تسـبح فى ذاكـــرة فـــــؤادى
نذهب كل مســـاء الى شاطىء أحلامــى
عبثا حاولت أن أعــيد الـوردة للبســـتان
إلــــى ســــــــرب الفراشـــــــات
بعيدا عن أشجار الشــوك والسنديــــان
وتســــــــألينى كــيف أحبــــــــــــك ؟؟
فألزم الصمت... ويغشانى الســـكون
عبثا أحـاول الهــــروب من الجــــواب
وأن أوصـــــــد كـــــل الأبــــــواب
فيفـــــتح ألـــــف بـــــاب وبـــــاب
قلــــــت دعـــــــينى سأمـــــضى
إلـى الخـــريف الـى الســـــــــراب
وانطـلقى نحــو الربيـع واتركـــينى
فالشـحـــرور يمـــــوت حـــــــتما
إذا حـــــام حـــــول البراكــــــين
يانجـــــــــمة فــى الســــــمـاء
تزهـــــــو بكــــل الجـــــــمال
دعــــــينى فنجمــى حــــــزين
يدنــو إلى الأفـــول لا محــــــال
وقلبى تائـــه يسير بــلا اتجـــاه
...فــلا جنــــــوب ..ولاشــــمال
عــودى يـاوردة البستان للحــقول
فأنـا أخشى عليك ياتوأم الــــروح
مــن الإبـــحار فى زمــن الذبـــــول
------
(مع تحياتى عاشق النيل )
السبت, 13 اكتوبر, 2007
أحبائى وأصدقائى وكل الزائرين الكرام لكم من القلب أعطر التحايا وأرقها بالعيد المبارك
الاثنين, 08 اكتوبر, 2007
هـل تسألى من تكــــــــونى ؟
كونى كما ترغبـــــــــــين
لكنى أعــلم من تكـــــــونى
فأنـت ورود الزمــــــــــان
وأنت عبيــــــــر المكـــان
أنت القـــوافى أنــت المعـــانى
وأنــــت حـــروف الكـــلام
وأنت شــــدو الأغــــــانى
اتيت كعطـــــر السمـــــاء
وكل المـــنـى والرجــــــاء
فكنت كحلــــــــم المســاء
وانت النسيـــــم العـــــليل
وانت الهوا والضيـــــــــاء
فــلا تسألى مــن تكونـــــى
فأنت الهـــوى والشجـــــون
وأنــــت جنـــــــــونى
وأنـــت سكـــــــــونى
فهـل تعلمـــى مــن تكـونى؟
السبت, 06 اكتوبر, 2007
أهــــلا وسهـــلا بيوم العبــــــور
فيــك حوّلـنــا الضّلمــة لنــــــور
هـدّينــا جســور حطمنـا غــرور
جيشنا أســود وجنودنـا نســور
وبعـــون الله رجـــــع منصـــور
وف وسط الفرحة يــوم العيـــد
هنقول ونكــرر وكمان هنعيـــد
ألـــف تحيــــّة لكــل شهيــــــــد
قـــدّم روحـــه وهـــــوّ سعــــيد
علشــان يطلــــع فجـــر جـديــد
الاحد, 23 سبتمبر, 2007
أهـــلا رمضان شهر الصــــــــــوم
أحلى هدية تلا تين يــــــــــــــــــوم
بركة عليــــــنا ومغفـــرة ليــــــــنا
ونعمـــة يارب علينــــــا تـــــــدوم
*******
أيامــــك بالخـــــــير فيــــــّاضــة
وصيــــــامك للنفس ريــــا ضــــة
نسعــــد غيرنـــــا ونعطى فقيرنـــا
والعيشــــة هنيــــة وفضفـــــاضة
*******
فيك حبينــــا الصـــوم والصـــبر
والمولى هـــدانـــا بليلة القـــــدر
وربى نصـــــرنا يوم مــا عبرنـا
وخدنـــــا الــروح من غزوة بدر
********
أيــــامك فيها نـــــور وسعــادة
وف ليـــلك تراويــــح وعبـادة
وبنعطــــف على كل الفقـــــرا
ونزكـــــّى والرزق زيــــــادة
********
بادعيــــــك ربى تعيده علينــا
مع حبـــــايبنا وضـى عنيــنا
تحمى شبابنــا وكل ولادنـــا
وتحفـظ شعبنـــا وتنجـّيــــنا
*******
ربى إلــه الكـون ياقديـــــــر
أنت بحــالنا خبــير وبصــير
أمــّن خوفنـــا . لم صفوفنــا
واحفظ وطنى تمــللى بخـير
السبت, 08 سبتمبر, 2007
هـا طـــير واعـــدّى فوق سبع ســموات
وها صــرخ وازعـّـق لمـّا يسمعـوا الأموات
والــف كل الدنيا وها طــــوف بكـل الأرض
واعبُر حــدود الزمن وهحطّــم المسافـات
واعــدّى كل الخطوط بالطــول أو بالعـرض
عشمى ألاقى جواب لوحتّى كان بالرفض
لا لقيت سامعنى حد ولا حتى م الأمــوات
ورجـع صـدى صــوتى وكــان معــاه الــرد
إخـرس يامجنـون .. إحنـا فى زمن السكات
أصل اللّى زيك كــدا ... عـدّى زمانه وفاااات
__________________
الاربعاء, 11 يوليو, 2007
ياخواننا يابتــوع الفيتـــو قولولــنا إيه بس نويتو
فـــى الإحتلال لما يعربد ويقتـل الشعب فـ بيتـه
ويصادر الأرض وينهب ويحرق الزرع فـ غيطه
ومجلس الأمـــــن يندّد وِيبيعوا لِب فـ قراراتــــه
ماتصحوا ياعربنا وفوقو واللا إنتوا بالخيبه رضيتو
والدم عندكوفـ عروقكم خلاص مافيـش بح فنيـتــو
د الغرب عايش على خيركم وانتم رضيتو بفتافيتو
نفسى فـى مــــــّره ألاقيكم شايلين سلاحكم مانخّـيتو
والحــــق تاخدوه بإيديكم والظـــلم تتـــهد عافيته
يانـــــاس قولولى بزمتكم كام مره رحتم وشكيتو
لمجلــــــــس الـَهم بتاعكم ولا مرّه مشكله حلّيتو
إوعاكو تجرحو إحساسهم دول لسّه نونو قطاقيطو
ياريت يابويا انت وامى ماكنتوا للدنيا دى جيتو
ولا كان فى يوم إتجوزتم إيه بس ذنبى إللى جـَنيته
دا قلبى م الغيظ هايفرقع وعقلى م الحيره لـَغيته
يا اخواننا فوقو بقا وسيبكم م الغرب مرّه وحواديته
ومعايا تدعو بقلـــــوبكم ونقول يارب إخرب بيته
إللــّى إخترع حـق الفيتو
يـا بتوع الـفـيـتـو
!!!!!!!!!!!!!!!!!!!!!!!!!
وان قالوا كلمه تزعلـــهم أمريكا تلحق بالفيــتو
وتعترض وكمان تشجب وتقول حبايبى كتاكيتو
الاربعاء, 11 يوليو, 2007
ياللاّ حاول خـُش وجـّرب يمكن تفلح حـظّـك يضرب هنا برتيته.. إوعاك تهرب فيه انتخابات وتلات ورقات رشـّح نفسك يالّلا وهات المُستندات...ُرزم ألوفات أخلاق مبادىء أو شهادات موضه قديمه زمانها فات قــّرب ....قــّرب يالّلا بينا ضِحكوا علينا اللّى قـَبلينا قـالوا بلدنا فيها حريه وديموقراطيه .... ياديموقراطيه يامــهــلـبـّيه بالـتـقلـّيه !!!!!! ياكوسه نيـّه مـُش مستويـّه كل الـناس رايحه وجايـّه حريه كامله وديموقراطيه تـُخش لجنة الانتخـابات تلاقى أصوات بالألوفات كُـلتها نايمه مع الأموات وحزب ( واطـى) صدّى وعفن واللى بناه مات واتـكـفن ساب دلاديــل تـنهب وتدكّـن والإعلام يحكى ويـتـفـنن يحكى ويغنى عن إنجازات ودعايه فارغه ويـّا حكايات تلفـيق وكـدب ويّـا إشاعات ونزيهه حضرت الانتخابات دى نزيهه جايه بدون توكيل يافجر قــّرب دا الليل طويل والحُـر زلّـه ظلم العويل وحسبى ربى نعم الوكيل
قـّرب.... قــّرب شوف واتفرج وحسبى ربى نعم الوكيل
الاربعاء, 04 يوليو, 2007
أبــــّـُـوح ياأبوح صوت الشعوب مبحـــــوح
أصـل الشعوب عندنـا مالهاش كلام ولا بوح
أفــواهنــــا متلجمة أصــل اللجام مسمـــوح
ممنـوع تقول كلمتـك عشان اللسان مدبـوح
واللى طفـح بــه الكيــل السجن لـه مفتـــوح
الظلـــــم زاد وافتـــرى والحق بات مجـروح
فين بس من ربنا يــــوم الحســـاب هــيروح
دى الطبخة متجهزه والريحـة منها تفـــــوح
وكـل شىء انكشف والســر بقــا مفضــــوح
الحقنى يادكتـور دول عدلــــّوالدستــــــــــور
معنى الكلام دا ياناس ان الحساب مفــــتوح
وان احنا طول عمرنا دستورنا كان ملـووح
الخميس, 14 يونيو, 2007
عدوي أو عدوك يهتك الأعراض يعبث في دمي لعبًا
وأنت تراقب الملعبْ إذا لله، للحرمات، للإسلام لم تغضبْ فأخبرني متى تغضب ؟؟ ------
رأيت هناك أهوالاً رأيت الدم شلالاً عجائز شيَّعت للموت أطفالاً رأيت القهر ألوانًا وأشكالاً ولم تغضب ----- ألم تنظر إلى الأحجار في كفي تنتفضُ ألم تنظر إلى الأركان في الأقصى بفأس القهر تنتقضُ ألست تتابع الأخبار ؟؟ أحيٌّ أنت !! أم يشتد في أعماقك المرضُ !! أتخشى أن يُقال يشجع الإرهاب أو يشكو ويعترضُ ومن تخشى ؟!! هو الله الذي يُخشى هو الله الذي يُحيي هو الله الذي يحمي وما ترمي إذا ترمي هو الله الذي يرمي وأهل الأرض كل الأرض لا واللهِ ما ضروا ولا نفعوا، ولا رفعوا ولاخفضوا فما لاقيته في الله لا تحفل إذا سخطوا له ورضوا ألم تنظر إلى الأطفال في الأقصى عمالقة قد انتفضوا ؟!! تقول أرى على مضض وماذا ينفع المضض ؟!! أتنهض طفلة العامين غاضبة وصناع القرار اليوم لا غضبوا ولا نهضوا
ألم يهززك منظر طفلة ملأت مواضع جسمها الحفر ولا أبكاك ذاك الطفل في هلع بظهر أبيه يستتر فما رحموا استغاثته ولا اكترثوا ولا شعروا فخرَّ لوجهه ميتًا وخر أبوه يحتضر متى يستل هذا الجبن من جنبيك والخورُ؟؟ متى التوحيد في جنبيك ينتصرُ ؟؟ متى بركانك الغضبي للإسلام ينفجرُ فلا يبقى ولا يذرُ --------
أخي في الله قد فتكت بنا عللٌ ولكن صرخة التكبير تشفي هذه العللا فأصغ لها تجلجل في نواحي الأرض ما تركت بها سهلاً ولا جبلاً تجوز حدودنا عجْلى وتعبر عنوة دولا تقض مضاجع الغافلين تحرق أعين الجهلا فلا نامت عيون الجبنِ والدخلاء والعُملا
وقالوا الموت يخطفكم وما عرفوا بأن الموت أمنية بها مولودنا احتفلا وأن الموت في شرفٍ نطير له إذا نزلا ونتبعه دموع الشوق إنْ رحلا فقل للخائف الرعديد : إن الجبنَ لن يمدد له أجلا وذرنا نحن أهل الموت ما عرفت لنا الأيام من أخطاره وجلا " هلا " بالموت للإسلام فيالأقصى وألف هلا " هلا " بالموت للإسلام في الأقصى وألف هلا "هلا " بالموت للإسلام في الأقصى وألف هلا أعيرونا مدافعَكُمْ ليومٍ... لا مدامعَكُمْ
أعيرونا وظلُّوا في مواقعكُمْ
بني الإسلام! ما زالت مواجعَنا مواجعُكُمْ
مصارعَنا مصارعُكُمْ
إذا ما أغرق الطوفان شارعنا
سيغرق منه شارعُكُمْ
يشق صراخنا الآفاق من وجعٍ
فأين تُرى مسامعُكُمْ؟!
-----
ألسنا إخوةً في الدين قد كنا .. وما زلنا
فهل هُنتم ، وهل هُنّا
أنصرخ نحن من ألمٍ ويصرخ بعضكم: دعنا؟
أيُعجبكم إذا ضعنا؟
أيُسعدكم إذا جُعنا؟
وما معنى بأن «قلوبكم معنا»؟
أعيرونا ولو شبراً نمر عليه للأقصى
أتنتظرون أن يُمحى وجود المسجد الأقصى
وأن نُمحى
أعيرونا وخلوا الشجب واستحيوا
سئمنا الشجب و (الردحا)
-----
أخي في الله أخبرني متى تغضبْ؟
إذا انتهكت محارمنا
إذا نُسفت معالمنا ولم تغضبْ
إذا قُتلت شهامتنا إذا ديست كرامتنا
إذا قامت قيامتنا ولم تغضبْ
فأخبرني متى تغضبْ؟
إذا نُهبت مواردنا إذا نكبت معاهدنا
إذا هُدمت مساجدنا وظل المسجد الأقصى
وظلت قدسنا تُغصبْ
ولم تغضبْ
فأخبرني متى تغضبْ؟؟
----------
وأنت تراقب الملعبْ
الثلاثاء, 12 يونيو, 2007
( حـــمــا ريـّـات )
حـوار مـع صــديقى
--------
إعـمـل خـير سمّعنى سُــكـوتـك
ياللـّّّّى داوشنـى تمـلـلّى بصـُوتك
رد وقــالـِِِِِِِِِِِِّّّّّّّّى مــــش راح أفــوتـــك ِِ
شــكـلــك كــده زعــلان مـهموم
فــكـرك يعنى ها قاسمك قــوتك
دانـا طول عمرى مُُُطيع وخـدوم
رغـم إن أنـا ويــاك مــظـلـــــوم
وبـــصــوم شـهــر وبــاكـل يـوم
راضـى وعــايــش بـالمـقســوم
شـايـلك عـمـرى مـاسـبتك يـوم
قــلـت لـه إهدا يــاشايـل هـمّـى
دااللـى غـايـظـنى وحـارق دمـى
الـــخــلان والأهـــــل فــاتـونـــى
حـتى أخويـــا وخــالـى وعـمـــى
عــمّـال أشكـى مـاحـد سـامعـنى
وٍٍاللِى شـاريـتـه لــقيتــه بـايـعنــى
مـا تـقلـبــش عـلـيــّه وسـيــبـــنى
فـ اللى انا فـيـه وبلاش تتـــعـــبنى
قـاللـى يـاصـاحبــى انـا حاسـس بيك
خُـــــد بــنـصيـحـــتــى الله يــخـلـيـك
تــطــلــع بـيّـه السـوق وتـبـيـعـــنــى
وإقــبــض حــقــّى وِســْد الــــــــديـن
قـلــــت لـه والله مـــافـــّرط فـيــــــــك
مـاتــهـُـونــش عـلـيــّه يا أغلى شريك
بـــكـره هــــــا تـُـفرج وهـ خـلـّـيــــــك
أحـــســن كــده مـ الــبـنى آدمــيــن
عـــنـــــدى مــــوضـــوع هــايـرقـّــيك 
تــبقــــى يـــاصــاحــبــى انــت الإنسـان
وانـــــــــا يـاصــديــقــى أتـبــِِِِِِِِِِِِِِِِِِِِِِِِِِِِِِِِِِِِِدل بــيـــك
رفــــس وقـــا للــّى لأ يـــــاحــــبـيـبـى
كــدا كـــفـِّـتـــنا مـــــــا هــترجــــحــش
عـــلـشــان تــبـقــى يا صاحبى حـمـــار
لازم الأوّل هــاتــكــــون جـــــــحـــش
الثلاثاء, 12 يونيو, 2007
دائمافى الليل موعدنا
عندما يأتى القمر
فأنت لأرضى الجدباء
زخات المطر
وانت لى كالهواء
ولدربى انت الضياء
ولعينى انت النظر
نعم احبك حبا فى البال
ماخطر
حبا فريدا ليس كحب البشر
حبا بلون الورود
حبا كضوء القمر
نعم أحبك أحبك
فحبك لى قدر
هذا هو هو الخبر
**********
الاثنين, 04 يونيو, 2007
أنا مـــش مـصــــدق ياعــز الحبـايـب
بـانـــك مـــفارق عن الدنيــــا غـايــب
فـــــراقك كـأنـه سيــف مـــاحد سنه
وفـ الـقلب جــوه قـطع حـته مــــــنه
عـــنيـا بــتبكـــى وقـــلبـى بــــينزف
وعقــــلى يكـــدب غيـابـــك ويحــلف
صـوتك فـ ودنــى صــورتك فـ عيــنى
وطــيفك عــاودنى ودايــــما يـــجينى
أنــــا فـ كــل سكة مشـيتها مـــــعاك
كـأنك مــعايـا بــــشوفك هنــــــــــاك
حفـــــيدك تمللى بـ يـــسأل علــــــك
وشــامه وسـميــه واحـــشهم عنيـك
وســــــــاره تمللــى تـــدور مــــكانك
وتـــرجع وتبـــكى فى حيره عشانــك
كــــتابـــك بــاشوفه بــيبكــــى ويـئن
كــأنه لــ صاحبـه بيشتــــاق ويـــــحن
كــلامـــك مـــــعطر بـــخطك مسـطر
وكـــل مـاشـــوفه يزيد شوقى أكـتـر
فـى عــز إبـــتلائك تـــصلى وتشـــكر
فى شدة ألامـــك تـــسبح وتـــــذكــر
ياوالــدى وصديقى وصاحبى ورفيــقى
بـــــــــقـوة إيـــمانـك تنــــــور طريقى
ياحـــلو اللسان ............يانـبع الحــنان
أنا كــنت جـــنبك بـ حــــس بــأمـــــان
يـاأفــضـل مــعــلم وأحــسن مــــربى
فـى نـــظرة عيونـــك أنـــا شفت ربى
عــشت حـــياتك حـــنين وطــــيـــــب
أنـــــا بــــادعـــــى ربــى أجيلك قريب
ياعـايش فى قلــبى معـايـا فى دمـى
أمــانه ياوالـــدى تـسلم على امــــــى
الجمعة, 01 يونيو, 2007
إن كُـنـتو نسيـتو إللّى جــرا
هـاتو الـجـرايـد تـنـقـرا
نرجع سوا بالذاكره
أول صفحه بخط كبير
صورالدمار والمجزره
فاكرين عيال بحر البقر
إقرا وسمعنا الخبر
إفتح وفرجنا الصور
فى الصبح كان بعد الطابور
الجو صاحى والدنيا نور
والكل كان حيّـا العلم
كل الصغار دخلوا الفصول
وكانت الحصه إبتدت
وفـ لحظه كانت مجزره
كل العيال بين التُخــت
صبحوا جثث متنـتوره
صوت القنابل جلجلت
والأرض فجأه إتزلزلت
والدنيا نار وشعللت
تحت الحطام ضاعوا الصغار
وسط الخراب وسط الدمار
دخان غبار و لهيب و نار
لسه الأيدين ماسكه القلم
أصوات أنين وآهات ألم
ودى شنـطه أهيّـه
ودا سندويتش وزمزميه
ودى بنت لسّه صُـغيـّره
وشعورها حلوه مضفرّه
واخده أخوها فى حضنها
ودمه سايل عا التراب
بيجرى ناحية دمها
ودى أم جايـّه من بعيد !
تصرخ وتبكى فين ولـيـد ؟
قلبى ضنايا إبنى الوحيد
وبإيدها ترفع فى الحطام
وعايزه تاكل فى الحديد
وبصوت حزين تصرخ وليـد
دا لسّه ابوك من كام سنه
فى الحرب برضه مات شهيد
والدم سال عالكراسات
وتـُهنا ونسينا اللى فـات
والقصه صـبحت ذكريات
دم العيال راح ونسيـتوه
حتى السلام بتشـحتوه
وطن الجدود هاتضـيـّـعوه
ياناس ياهوه يالاّ إلـحـقـــــوه
ولسه بيقولوا ســــــلام
وعقدوا قمة الزعامات
بيانات وشجب وشعارات
عايزننا نخضع من ُسكات
عالم ضميرهم ضاع ومات
عالم ضميرهم ضاع ومات
السبت, 26 مايو, 2007
محبوبتـى هيــــــا معــى
قلبـى ينـادى فاسـمعـى
شــــدو البلابــل بـعـــدك
مـاعــاد يطرب مسمعـى
الفـكر بـعــــدك شـــــارد
والنـوم خاصــم مضجعـى
هيـا معـى ..هيــا معـــى
ودعـى عنـادك وإرجعــى
فـالقـلـب انــت مـلـَكــتِه
فيــه أسـكنـي وتربعــى
والعـــش دونــك مظلــمُ
عودى أضيئى شعشعى
هيـا معـى.. هيـا مـعـــى
لمٌـى شتـاتى واجمعــى
فالقــلب دونـــك موجــعٍ
ويكــاد يهجــر اضلعــــى
من لى يؤانس وحدتــى
أو مـن يكفكـف ادمعــى
أرجـــــــــوك لا تتمنعـى
هيــا معى.. هيــا معـى
الاثنين, 21 مايو, 2007
ان ضــاقــــت بى الأرض
عينـــاك أهلى وأوطــانى
وان خــلا بى الأصحـــاب
فأنـــت كـــل خــــــلاّ نى
وان أبحـرت فى الـــدنــيا
وتاهــت منى شطــــآنى
فجدائل شعـرك الغــجرى
طوقـــا لنجـاتى وقبطانى
وعبيرك يمـــلأ أشرعــتى
وفؤادك مرفـأ اشجــــانى
وغرامك فى القلب يفيض
يسرى بوريـدى وشريانى
وان تاهـــت بى الـــــدرب
ففى عينيـــك عنـــــوانى
